كلمات اغنية ربع حبي

كلمات اغنية حاتم العراقي ربع حبي 2011 مع حازم جابر

حاتم

ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحص وشوفه دمي لو دمك .؟



عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتقولي شيعلمك



حازم


من قد ما احبك خفت لا تنشاف
وخليت القلب وسط القلب ضمك
ياماي وتبده ونشف ويه الروح
هذا انته حبيبي وقلي شيلمك
تخجل منك الريشة ويضيع اللون
اذا رسام مره يحاول يرسمك
يسمونك هوه صدقني غلطانين
لان انته الهوى يحتاجك .. يحتاجك يشمك

حاتم

قبلك جنت احب وجني ماحبيت
لان شفت القلب مثل الطفل يمك
ما احرك رموشي قبالي من تصير
اخاف بلحظة اندم ماشفت رسمك



افرشلك عيوني ويه جفني تنام
واقولك اخفه بيه وكولشي لايهمك
دخذ مني جرح وأذكرني بيه ارجوك
يظل ينزف عطر لو فكر يلجمك

حازم




يا أول عنودي اعناده أموتن بيه
فاهم كولشي بيه وقلي ما افهمك
لو غيرك حنين وياي ما اهواه
ولو تظلمني اقولك قابل بظلمك
ضواك يشع براءه يغطي كل الكون
الشمس تبدي بجبينك تنتهي بجدمك
الله منزلك مفصلك علي تفصال
وعلى قفل القلب مفتاح ومرهمك


حاتم

ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحصه وشوفه دمي لو دمك .؟



عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتقولي شيعلمك


اهداااااااااااااااااااااااااااء للحب 00000000000سوسو

شكرا لطرحك هذه الكلمات الجميله .....


مع تحيات فايع مشكلجي سابقا ....

تقبلي مروري